అమెరికాలో గ్రీన్ కార్డు కోసం ఏళ్ల తరబడి ఎదురుచూస్తున్న భారతీయ నిపుణులకు గట్టి ఎదురుదెబ్బ తగలనుంది. ఉద్యోగ ఆధారిత తొలి ప్రాధాన్యత కేటగిరీ అయిన ఈబీ-1 (EB-1) వీసాల జారీని త్వరలోనే తాత్కాలికంగా నిలిపివేసే అవకాశముందని అమెరికా విదేశాంగ శాఖ తీవ్ర హెచ్చరికలు జారీ చేసింది. సెప్టెంబర్ నెలకు సంబంధించి విడుదల చేసిన తాజా వీసా బులెటిన్‌లో ఈ చేదు నిజాన్ని వెల్లడించింది. అమెరికా ఆర్థిక సంవత్సరం సెప్టెంబర్ 30తో ముగియనుంది. ఈ లోపే భారతీయులకు కేటాయించిన పరిమితి కోటా వీసాలు పూర్తిగా ఖాళీ అయ్యే పరిస్థితి ఏర్పడింది.