ఐపీఎల్ 2026 సీజన్‌లో నేడు పంజాబ్‌తో జరిగిన మ్యాచ్‌లో సన్‌రైజర్స్ బ్యాటర్లు చెలరేగారు. మ్యాచ్‌లో టాస్ ఓడి తొలుత బ్యాటింగ్‌కు దిగిన హైదరాబాద్ జట్టు నిర్ణీత 20 ఓవర్లలో 4 వికెట్ల నష్టానికి 235 పరుగుల భారీ స్కోరు సాధించింది. ఓపెనర్లు ట్రావిస్ హెడ్ (38), అభిషేక్ శర్మ (35) జట్టుకు శుభారంభం అందించారు. వీరిద్దరూ అవుటైన తర్వాత క్రీజులోకి వచ్చిన హెన్రిచ్ క్లాసెన్ ఆకాశమే హద్దుగా చెలరేగాడు. పంజాబ్ బౌలర్లను ఉతికి ఆరేసిన క్లాసెన్ కేవలం 43 బంతుల్లోనే 69 పరుగులు చేసి అజేయంగా నిలిచాడు.