విజయనగర సామ్రాజ్యాన్ని అత్యంత వైభవంగా పరిపాలించిన గొప్ప చక్రవర్తి శ్రీకృష్ణదేవరాయలు జీవిత కథ ఇప్పుడు వెండితెరపై ఆవిష్కృతం కానుంది. కన్నడ స్టార్‌ హీరో కిచ్చా సుదీప్‌ ప్రధాన పాత్రలో ‘దేవ‌రాయ (Devaraaya)’ పేరుతో ఈ ప్రతిష్ఠాత్మక చిత్రం తెరకెక్కుతోంది. చారిత్రక నేపథ్యంతో రూపొందుతున్న ఈ సినిమాపై ఇప్పటికే సినీ వర్గాల్లో ఆసక్తి నెలకొంది. సుదీప్‌ పుట్టినరోజు సందర్భంగా చిత్ర బృందం ‘దేవ‌రాయ’ టైటిల్‌ గ్లింప్స్‌ను విడుదల చేసింది. ఈ గ్లింప్స్‌లో శ్రీకృష్ణదేవరాయల పాత్రలో సుదీప్‌ లుక్‌ను పరిచయం చేశారు. రాజసం, వీరత్వం ఉట్టిపడేలా ఆయన పాత్రను తీర్చిదిద్దినట్లు గ్లింప్స్‌ చూస్తే అర్థమవుతోంది. సుదీప్‌ స్క్రీన్‌ ప్రెజెన్స్‌ సినిమాపై అంచనాలను మరింత పెంచుతోంది.



Source link