భారత రాజకీయ చరిత్రలో జూన్ 10న ఒక సరికొత్త అధ్యాయం లిఖితమైంది. ప్రధానమంత్రి నరేంద్ర మోదీ దేశంలోనే అత్యధిక కాలం నిరంతరాయంగా సేవలు అందించిన ప్రధానిగా సరికొత్త రికార్డు సృష్టించారు. అధికారంలో 4,399 రోజులు పూర్తి చేసుకున్న మోదీ, తొలి సాధారణ ఎన్నికల తర్వాత సుదీర్ఘకాలం ప్రధానిగా ఉన్న జవహర్‌లాల్ నెహ్రూ పేరిట ఉన్న 4,398 రోజుల రికార్డును దాటేశారు. ఈ చారిత్రాత్మక సందర్భంలో ప్రధాని మోదీ ఎక్స్ వేదికగా స్పందిస్తూ, సుపరిపాలనకు ప్రజాసేవే పరమావధి అని పేర్కొన్నారు. వినయం, నిబద్ధత, కర్తవ్య నిష్ఠ ఉన్నవారే ప్రజల నమ్మకాన్ని గెలుచుకోగలరని స్పష్టం చేశారు. నిరంతరం ప్రజల సంక్షేమం కోరే వినయపూర్వకమైన పాలకుడే అత్యున్నత కీర్తిని పొందుతాడనే అర్థం వచ్చే సంస్కృత శ్లోకాన్ని ఆయన పంచుకున్నారు.