ఆపై కన్నంపాలయం చెరువు సమీపంలోని కొబ్బరి తోటలోకి తీసుకెళ్లి లైంగిక దాడికి ప్రయత్నించగా, బాలిక గట్టిగా కేకలు వేసి ప్రతిఘటించడంతో గొంతు నులిమి దారుణంగా హత్య చేశారు. అనంతరం మృతదేహాన్ని చెరువులో పడేశారు. సిసిటివి దృశ్యాల ఆధారంగా పోలీసులు నిందితులను పట్టుకున్నారు.

ఈ దారుణ ఉదంతం వెలుగులోకి రావడంతో స్థానికులు, బాధిత కుటుంబ సభ్యులు తీవ్ర ఆగ్రహం వ్యక్తం చేశారు. నిందితులను కఠినంగా శిక్షించాలంటూ సూలూర్-తిరుచ్చి జాతీయ రహదారిపై దాదాపు ఎనిమిది గంటల పాటు రాత్రి నుండి ఉదయం వరకు పెద్ద ఎత్తున రాస్తారోకో నిర్వహించారు. దీంతో పశ్చిమ మండల ఐజీ ఆర్.వి. రమ్య భారతి, ఎస్పీ పవన్ కుమార్ రెడ్డి ఘటనా స్థలానికి చేరుకుని నిరసనకారులతో శాంతి చర్చలు జరిపారు.

బాధిత కుటుంబానికి న్యాయం చేస్తామని, వేగంగా విచారణ జరిపిస్తామని హామీ ఇవ్వడంతో స్థానికులు శాంతించారు. ప్రస్తుతం బాలిక మృతదేహాన్ని పోస్టుమార్టం పరీక్షల కోసం ప్రభుత్వ ఈఎస్ఐ ఆసుపత్రికి తరలించారు. కాగా, పోలీసులను చూసి తప్పించుకునే క్రమంలో భవనంపై నుండి దూకిన ప్రధాన నిందితుడు కార్తీక్ కుడి చేయి, కాలు విరగడంతో భారీ పోలీసు భద్రత నడుమ ఆసుపత్రిలో చికిత్స పొందుతున్నాడు.