బాలీవుడ్ స్టార్ రణబీర్ కపూర్, సౌత్ బ్యూటీ సాయి పల్లవి, కన్నడ రాకింగ్ స్టార్ యశ్ ప్రధాన పాత్రల్లో దర్శకుడు నితీష్ తివారి తెరకెక్కిస్తున్న ప్రతిష్టాత్మక విజువల్ వండర్ ‘రామాయణ: పార్ట్ 1’ విడుదల తేదీల్లో మరోసారి మార్పులు చోటుచేసుకున్నట్లు తెలుస్తోంది. తొలుత ఈ చిత్రాన్ని దీపావళి కానుకగా నవంబర్ 8న దేశవ్యాప్తంగా విడుదల చేయాలని భావించారు. అయితే తాజా సమాచారం ప్రకారం, ఈ సినిమా దీపావళికి ముందే ప్రేక్షకుల ముందుకు రానుంది. భారత్‌లో నవంబర్ 4న పెయిడ్ ప్రీమియర్ షోలు వేయనున్నారని, ఆ తర్వాతి రోజైన నవంబర్ 5న భారీ స్థాయిలో థియేటర్లలోకి తీసుకురానున్నారని పింక్‌విల్లా కథనం వెల్లడించింది. దీనిపై చిత్రబృందం నుంచి అధికారిక ప్రకటన రావాల్సి ఉంది.