విజయవాడలో సిపిఐ జాతీయ నాయకుడు కె. నారాయణ మీడియా సమావేశంలో మాట్లాడుతూ.. ప్రధాని నరేంద్ర మోదీపై తీవ్ర విమర్శలు చేశారు. ఇరాన్-అమెరికా ఉద్రిక్తతల నేపథ్యంలో మోదీ ఇరాన్ నేతలకు ఫోన్ చేసి సానుభూతి తెలపడం హాస్యాస్పదమని ఆయన అన్నారు. యుద్ధాన్ని ఆపాలని అమెరికా అధ్యక్షుడు డొనాల్డ్ ట్రంప్‌ను నిలదీయాల్సింది పోయి, ఇరాన్‌తో మాట్లాడటం వల్ల ప్రయోజనం లేదని పేర్కొన్నారు. గతంలో వెనిజులాలో మదురోను అరెస్టు చేసినట్లే, ఇప్పుడు ఇరాన్ చమురు సంపదను కార్పొరేట్ శక్తులకు కట్టబెట్టేందుకు ట్రంప్ ప్రయత్నిస్తున్నారని ఆరోపించారు. ఈ విషయంలో ముఖ్యమంత్రి చంద్రబాబు నాయుడు చొరవ తీసుకుని కేంద్రంపై ఒత్తిడి తేవాలని నారాయణ డిమాండ్ చేశారు.



Source link