చాలా గ్యాప్ తర్వాత సమంత లీడ్ రోల్‌లో నటించిన మోస్ట్ అవైటెడ్ సైకోలాజికల్ క్రైమ్ అండ్ రివెంజ్ థ్రిల్లర్ ‘మా ఇంటి బంగారం’. నందినీ రెడ్డి దర్శకత్వంలో రూపొందిన ఈ సినిమా సెన్సార్ పూర్తి చేసుకుని U/A సర్టిఫికేట్ పొందింది. ఇప్పుడు థియేటర్స్ లో హంగామా చేయడానికి రెడీ అయింది. ఈ నేపథ్యంలో ఇప్పటికే మా ఇంటి బంగారం ప్రీమియర్స్ చూసిన ఆడియన్స్ ట్విట్టర్ వేదికగా సినిమాపై తమ తమ అభిప్రాయాలు వెల్లడిస్తున్నారు. ఆ డీటెయిల్స్ చూస్తే..

సినిమా ఫస్టాఫ్ బాగుందని చెబుతున్నారు ఆడియన్స్. ఈ భాగంలో క్యారెక్టర్ ఇంట్రడక్షన్, పక్కా లోకల్ హ్యూమర్, హై-వోల్టేజ్ యాక్షన్ సీన్లు ఆకట్టుకున్నాయట. ఫస్టాఫ్ అంతా కూడా చాలా వేగంగా సాగిపోయిందని, ఇంటర్వెల్ సీక్వెన్స్ సినిమాకే మేజర్ హైలైట్ గా నిలవడం ఖాయమని కొందరు పేర్కొంటున్నారు. ఇకపోతే సెకండాఫ్ కాస్త స్లోగా రన్ అయినప్పటికీ, ఆడియన్స్ ని ఎంగేజ్ చేసిందని చెబుతున్నారు.

ద్వితీయార్థంలో చూపించిన సెంటిమెంట్, ఫ్యామిలీ ఎమోషన్స్ డోస్ కాస్త ఎక్కువైనప్పటికీ, క్లైమాక్స్ యాక్షన్ సీక్వెన్స్ సినిమాను నిలబడుతుందని అంటున్నారు. సమంత చేసే భారీ ఫైట్లు, పవర్‌ఫుల్ డైలాగ్ డెలివరీ సినిమారేంజ్ ఎక్కడికో తీసుకెళ్లిందని కొందరు అంటున్నారు. ఈ సినిమాలో ఎంగేజింగ్ మూమెంట్స్ పెద్ద అట్రాక్షన్ కాలేదు కానీ, సమంత మాత్రం తన రోల్ ను బాగా ప్లే చేసిందని పేర్కొంటున్నారు. ఇది సమంత పక్కా పర్ఫెక్ట్ కమ్ బ్యాక్ సినిమా అనే టాక్ అయితే బలంగా వినిపిస్తోంది. సో, చూడాలి మరి ఈ టాక్ నడుమ సమంత హిట్ సాధిస్తుందా? లేదా అనేది.