‘రాకా’ కోసం ఏకంగా 37 మంది నటీనటుల హావభావాలను మోషన్ క్యాప్చర్ టెక్నాలజీ ద్వారా రియల్‌టైమ్‌లో చిత్రీకరించారు. ఒకే ప్రాజెక్ట్‌లో ఇంతమంది నటీనటులను ఈ విధంగా రియల్‌టైమ్ మోషన్ క్యాప్చర్ చేయడం ద్వారా గిన్నిస్ వరల్డ్ రికార్డు సాధించినట్లు చిత్రబృందం వెల్లడించింది. ఈ సందర్భంగా గిన్నిస్ వరల్డ్ రికార్డు ప్రతినిధులు అందించిన సర్టిఫికెట్‌ను దర్శకుడు అట్లీ, అల్లు అర్జున్‌కు అందజేశారు.

ఈ నేపథ్యంలో తాజాగా దీనికి సంబంధించిన నాలుగు నిమిషాల మేకింగ్‌ వీడియో గ్లింప్స్‌ను అల్లు అర్జున్‌ షేర్ చేశారు. దీంతో ఈ వీడియో సోషల్ మీడియాలో వైరల్ అవుతోంది. భారీ బడ్జెట్‌తో తెరకెక్కుతున్న ‘రాకా’ కథ మూడు విభిన్న కాలాల నేపథ్యంలో సాగుతుందని సమాచారం. పురాణాలు, ఆధునిక కాలం అంశాలను మేళవిస్తూ ఈ కథను అట్లీ తెరకెక్కిస్తున్నట్లు తెలుస్తోంది. దీంతో సినిమా కథ, విజువల్స్ ఎలా ఉండబోతున్నాయనే ఆసక్తి అభిమానుల్లో మరింత పెరిగింది. ఈ చిత్రంలో నలుగురు హీరోయిన్లు ఉండటం మరో అట్రాక్షన్.