దశావతారం కాన్సెప్ట్.. ప్రోమోలో ఏం చూపించారంటే?: ఈసారి 10వ సీజన్ కావడంతో మేకర్స్ ‘దశావతారం’ అనే ఇంట్రెస్టింగ్ కాన్సెప్ట్‌ను స్క్రీన్ పైకి తెచ్చారు. విడుదల చేసిన అనౌన్స్‌మెంట్ వీడియోలో కింగ్ నాగార్జున సరికొత్త గెటప్‌లో చాలా స్టైలిష్‌గా ఎంట్రీ ఇచ్చారు. ఈ పది సీజన్ల ప్రయాణాన్ని గుర్తు చేస్తూ.. ఈసారి సరికొత్త 10 అవతారాలతో, అంతకు మించిన ఎంటర్‌టైన్‌మెంట్, డ్రామా, ట్విస్టులతో షో ఉండబోతోందని హింట్ ఇచ్చారు. ఈ ల్యాండ్‌మార్క్ సీజన్ కోసం హౌస్‌ను కూడా చాలా డిఫరెంట్‌గా డిజైన్ చేస్తున్నట్లు తెలుస్తోంది.

హైప్ పెంచడం కామనే.. చివరికి ఏం ఉండదా?: బిగ్ బాస్ ప్రోమోలు ఎప్పుడూ నెక్స్ట్ లెవెల్‌లో ఉండటం మనకు తెలిసిందే. గత సీజన్లలో కూడా ‘ఉల్టా-పుల్టా’, ‘ట్విస్టుల మీద ట్విస్టులు’ అంటూ భారీగా హైప్ క్రియేట్ చేశారు. తీరా షో స్టార్ట్ అయ్యాక మాత్రం పాత పద్ధతిలోనే టాస్క్‌లు, గ్రూపిజం, అవే గొడవలతో సాగదీశారనే విమర్శలు ఉన్నాయి. ఇప్పుడు సీజన్ 10 కోసం కూడా ‘దశావతారం’ అంటూ క్లాస్ ప్రోమో వదిలారు కానీ.. చివరికి లోపల కంటెంట్ చూస్తే ఎప్పటిలాగే తుస్సుమంటుందా? లేక నిజంగానే ఏమైనా కొత్తగా చూపిస్తారా? అనే అనుమానాలను ఆడియన్స్ వ్యక్తం చేస్తున్నారు.

కంటెస్టెంట్స్ వేట షురూ.. ఎప్పటి నుండి అంటే?: ప్రస్తుతం ఈ 10వ సీజన్ కోసం సోషల్ మీడియా ఇన్ ఫ్లుయెన్సర్లు, సీరియల్ నటీనటులు, వివాదాస్పద సెలబ్రిటీలను ఎంపిక చేసే పనిలో బిగ్ బాస్ టీమ్ బిజీగా ఉంది. ఈ ల్యాండ్‌మార్క్ సీజన్‌ను వీలైనంత త్వరగా ప్రేక్షకుల ముందుకు తీసుకురావడానికి ప్లాన్ చేస్తున్నారు. మరి మేకర్స్ చెబుతున్నట్టు ఈ ‘దశావతారం’ సీజన్ నిజంగానే సరికొత్త రికార్డులు క్రియేట్ చేస్తుందో లేదో చూడాలి!