మొత్తానికి ఈ వారం బ్రహ్మముడి సీరియల్ ఆస్తి తగాదాలు, సంచలన నిజాల వెల్లడితో కథను పతాక స్థాయికి తీసుకెళ్లింది. ఆస్తిని కాజేయాలన్న రేఖ ప్లాన్‌ను నందు ఎంట్రీతో రాజు తిప్పికొట్టడమే కాకుండా, లక్కీ తల్లి రేఖే అనే నిజాన్ని ఆధారాలతో సహా కనిపెట్టడం కథలో పెద్ద ట్విస్ట్‌గా నిలిచింది. ఒకవైపు ఇందు, నందులు ఇంట్లో భ్రమరాంబ వాళ్లకు ఎదురుతిరుగుతుంటే, మరోవైపు రాజు లక్కీకి తల్లి ప్రేమను దక్కించేందుకు సిద్ధమయ్యాడు. మరి రాజు అందరి ముందు రేఖ అసలు రూపాన్ని ఎలా బయటపెడతాడు? లక్కీ తన తల్లిని చూసి ఎలా స్పందిస్తాడు? రేఖ ఈ ముప్పు నుండి తప్పించుకోవడానికి ఎలాంటి కొత్త కుట్రలు చేస్తుంది? అనే ఉత్కంఠతో ఈ వారం ఎపిసోడ్లు ముగిశాయి. వచ్చే వారం ఈ నిజాల రచ్చ దుగ్గిరాల ఇంట్లో ఎలాంటి తుఫాన్ తెస్తుందో చూడాలి. (Photo Credit: Brahmamudi Serial Star Maa / Disney + Hotstar)