ఢిల్లీ క్యాపిటల్స్‌తో జరిగిన మ్యాచ్‌లో కేకేఆర్ భారీ విజయం సొంతం చేసుకుంది. ఫిన్ ఆలెన్ అద్భుత సెంచరీ సాధించడంతో ఢిల్లీ నిర్దేశించిన 143 పరుగుల లక్ష్యాన్ని కేకేఆర్ కేవలం 14.2 ఓవర్లలో 2 వికెట్లు కోల్పోయి ఛేదించేసింది. ఆలెన్ కేవలం 47 బంతుల్లో 100* పరుగులు చేశాడు. ఇందులో 5 ఫోర్లు, 10 భారీ సిక్సులు ఉండటం విశేషం. కెప్టెన్ రహానే 13 పరుగుల వద్ద రన్నౌట్ అయ్యాడు. ఆ తర్వాత వచ్చిన రఘువంశీ (1) కూడా నిరాశపరిచినా.. కెమెరాన్ గ్రీన్‌తో (33*) కలిసి ఆలెన్ మ్యాచ్‌ను ఫినిష్ చేశాడు. ఫిన్ ఆలెన్ దెబ్బకు ఢిల్లీ బౌలర్లు విలవిలలాడిపోయారు. ఢిల్లీ తరుపున అక్షర్ పటేల్ ఒక వికెట్ తీసుకున్నాడు.