ఈ మూవీ గ్లింప్స్ ఎన్టీఆర్ పుట్టిన రోజు సందర్భంగా రిలీజ్ కాబోతుంది. తాజాగా ఈ గ్లింప్స్‌కు సంబంధించిన టైమ్‌ను మెన్షన్ చేశాడు. ఈ గ్లింప్స్‌ను మంగళవారం అర్థరాత్రి 11:52 నిమిషాలకు రిలీజ్ చేస్తున్నట్లు ప్రకటించారు. అంటే సరిగ్గా తారక్ పుట్టిన రోజుకు 8 నిమిషాల ముందు ఊచకోత సృష్టించబోతున్నాడన్నమాట. అంతేకాదు ఇప్పటి వరకు ఇండియన్ సినిమా చరిత్రలోనే రాని లెంగ్త్‌లో డ్రాగన్ గ్లింప్స్ ఉండనుందట. ఇప్పటి వరకు ఈ సినిమాపై ఉన్న అంచనాలన్నీ.. గ్లింప్స్ తర్వాత రెండింతలు అయిపోతాయని అంటున్నారు.

ఈ సినిమాను వచ్చే ఏడాది జూన్ 11న రిలీజ్ చేస్తున్నట్లు మేకర్స్ ప్రకటించారు. మైత్రీ మూవీ మేకర్స్, ఎన్టీఆర్ ఆర్ట్స్ బ్యానర్‌లపై అత్యంత భారీ బడ్జెట్‌తో ఈ సినిమా తెరకెక్కుతుంది. ఈ మూవీలో కన్నడ బ్యూటీ రుక్మిణీ వసంత్ హీరోయిన్‌గా నటిస్తుంది. ఈ సినిమా 3 దేశాలను వణికించిన డ్రగ్ డీలర్ లార్డ్ ఖున్ సా కథ ఆధారంగా తెరకెక్కబోతుదందని సమాచారం. అంతేకాదు ఈ సినిమాలో తారక్ తండ్రి, కొడుకులుగా కనిపించబోతున్నారని సమాచారం. మరీ ముఖ్యంగా ఈ సినిమాలో ఫాదర్-సన్ ఎమోషన్ హైలైట్ కాబోతుందని తెలుస్తుంది.