రీసెంట్ గా ఈ చిత్రానికి సంబంధించిన షూటింగ్‌ను ఫినిష్ చేశారు. ప్రస్తుతం పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. సంజయ్ రావ్ పుట్టిన రోజు సందర్భంగా ‘హిట్ అండ్ రన్’ సినిమాకు సంబంధించిన ఫస్ట్ లుక్ పోస్టర్‌ను రిలీజ్ చేశారు. ఈ పోస్టర్‌లో సంజయ్ రావ్ ఇంటెన్స్ లుక్, ఆ గాయాలు, రక్తంతో నిండిపోవడం చూస్తుంటే ‘హిట్ అండ్ రన్’ ఎంతో ఇంట్రెస్టింగ్‌గా ఉండబోతోందని అర్థం అవుతోంది.

త్వరలోనే ‘హిట్ అండ్ రన్’ టీజర్‌ను విడుదల చేయబోతోన్నారు. టీజర్ వచ్చిన తరువాత మూవీ మీద ఒక్కసారిగా అంచనాలు అమాంతం పెరుగుతాయని మేకర్లు ధీమా వ్యక్తం చేస్తున్నారు. ఈ సినిమాకి ప్రిన్స్ హెన్రీ సంగీతాన్ని అందిస్తున్నారు. డి. వెంకట్ ప్రభు ఎడిటర్‌గా వ్యవహరిస్తున్నారు. సంజయ్ రావ్, నటాషా సింగ్, కిరీటి, మురళీధర్ గౌడ్, లిరీషా కునపరెడ్డి, రవి ప్రకాష్, జబర్దస్త్ ఇమ్మాన్యుయేల్ తదితరులు కీలక పాత్రల్లో నటించారు.