ఇంటి బాధ్యతలను నిర్వహించడంలో రాజేశ్వరి నిరంతరం అలసత్వం వహించేదని తెలుస్తోంది. తరచూ తొమ్మిది నెలల పాపను తీసుకుని ఎవరికీ చెప్పకుండా బయటకు వెళ్లిపోయి, రెండు మూడు రోజుల వరకు తిరిగి వచ్చేది కాదు. ఈ విషయంలో దంపతుల మధ్య గత కొంతకాలంగా గొడవలు జరుగుతున్నాయి.

తల్లి విపరీత చేష్టలను, పాపను నీటిలో ముంచుతున్న దృశ్యాన్ని గమనించిన స్థానికులు వెంటనే పరుగులు తీస్తూ వచ్చి ఆమెను అడ్డుకున్నారు. నిష్కారణంగా అమాయక పసిపాపను పొట్టనబెట్టుకున్న కసాయి తల్లి రాజేశ్వరికి అక్కడికక్కడే దేహశుద్ధి చేశారు. అనంతరం వెంటనే ఎల్బీనగర్ పోలీసులకు సమాచారం అందించారు.

పోలీసులు నిందితురాలు రాజేశ్వరిని అదుపులోకి తీసుకుని పోలీస్ స్టేషన్‌కు తరలించారు. పసిపాప మృతదేహాన్ని పంచనామా నిమిత్తం ఉస్మానియా ఆసుపత్రి మార్చురీకి తరలించారు. ఘటనపై కేసు నమోదు చేసుకున్న పోలీసులు దర్యాప్తును వేగవంతం చేశారు. మద్యం మత్తులోనే ఈ హత్యకు పాల్పడిందా లేదా దీని వెనుక ఇతర కారణాలు ఏమైనా ఉన్నాయా అనే కోణంలో పోలీసులు విచారణ జరుపుతున్నారు.