పోలీసులు, స్థానికులు వెల్లడించిన వివరాల ప్రకారం.. మచ్చ బొల్లారం డివిజన్‌లోని పెద్ది పరమారెడ్డి కాలనీలో బొడ్డు శ్రీనివాస్, రమాదేవి దంపతులు నివాసం ఉంటున్నారు. వీరికి పిల్లలు ఉన్నారు. బయటకు సాధారణ కుటుంబంలా కనిపించినా.. ఆ ఇంట్లో రోజూ ఏదో ఒక రచ్చ జరుగుతూనే ఉండేది. ముఖ్యంగా అర్ధరాత్రి సమయాల్లో ఆ ఇంటి నుంచి పెద్దపెద్దగా అరుపులు, కేకలు వినిపించేవని స్థానికులు చెబుతున్నారు. భార్యాభర్తల మధ్య తరచూ తీవ్ర స్థాయిలో గొడవలు జరుగుతుండేవని చుట్టుపక్కల వారు స్పష్టం చేశారు. ఆ గొడవలకు అసలు కారణం శ్రీనివాస్ నీచమైన బుద్ధేనని ఆ తర్వాతే వెలుగులోకి వచ్చింది.

స్థానికుల సమాచారంతో అల్వాల్ పోలీసులు వెంటనే ఘటనా స్థలానికి చేరుకున్నారు. పరిస్థితిని సమీక్షించి ఘటనకు దారితీసిన పరిస్థితులపై ఆరా తీశారు. ఘటనా స్థలంలో ఆధారాలు సేకరించి కేసు నమోదు చేసుకున్నారు. అనంతరం శ్రీనివాస్ మృతదేహాన్ని పోస్టుమార్టం నిమిత్తం సికింద్రాబాద్‌లోని గాంధీ ఆస్పత్రికి తరలించారు. కన్నబిడ్డను కాపాడుకునేందుకు భర్తను హతమార్చిన రమాదేవి.. ఆ తర్వాత తన పిల్లలతో సహా నేరుగా పోలీస్ స్టేషన్‌కు వెళ్లి లొంగిపోయినట్లు విశ్వసనీయ వర్గాల సమాచారం. కన్న కూతురిపైనే అఘాయిత్యానికి యత్నించి ప్రాణాలు పోగొట్టుకున్న తండ్రి ఉదంతం స్థానికంగా తీవ్ర చర్చనీయాంశంగా మారింది. ఈ షాకింగ్ ఘటనపై పోలీసులు లోతుగా దర్యాప్తు చేస్తున్నారు.