పాకిస్తాన్‌పై 19 పరుగుల తేడాతో గెలిచి బంగారు పతకాన్ని సొంతం చేసుకుంది. చివరి ఓవర్లో పాకిస్తాన్ విజయానికి 34 పరుగులు అవసరం కాగా.. శివమ్ దూబే కేవలం 13 పరుగులు మాత్రమే సమర్పించుకున్నాడు. ఫలితంగా భారత జట్టు విజయాన్ని అందుకుంది. పాకిస్తాన్ బ్యాటర్ నవాజ్ (51 బంతుల్లో 96) ఒంటరి పోరాటం చేశాడు. అయితే బుమ్రా తన అద్భుత స్పెల్‌తో పాకిస్తాన్‌కు విజయాన్ని దూరం చేశాడు. 212 పరుగుల భారీ లక్ష్యంతో బ్యాటింగ్‌కు దిగిన పాకిస్తాన్ 20 ఓవర్లలో 6 వికెట్లకు 192 పరుగులు మాత్రమే చేసింది. భారత బౌలర్లలో అక్షర్ పటేల్, వాషింగ్టన్ సుందర్, శివమ్ దూబే తలా 2 వికెట్లు సాధించారు. అయితే 18, 19వ ఓవర్లు మ్యాచ్‌ను మలుపు తిప్పాయి. 18వ ఓవర్ వేసిన వాషింగ్టన్ సుందర్ కేవలం 8 పరుగులు మాత్రమే ఇచ్చి ఒక వికెట్ తీశాడు. ఇక 19వ ఓవర్ వేసిన బుమ్రా కేవలం 11 పరుగులు మాత్రమే ఇచ్చి మ్యాచ్‌ను మలుపు తిప్పాడు. ఈ రెండు ఓవర్లలో భారత్ కేవలం 19 పరుగులు మాత్రమే ఇచ్చింది. దాంతో చివరి ఓవర్లో పాకిస్తాన్ గెలవడానికి 34 పరుగులు అవసరం అయ్యాయి. అయితే చివరి ఓవర్లో దూబే కేవలం 13 పరుగులు మాత్రమే ఇచ్చాడు. దాంతో భారత్ మరోసారి అదరగొట్టింది.