Last Updated:
పరుగుల వరద పారిన మూడో టీ20లో భారత్ 14 పరుగుల తేడాతో వెస్టిండీస్‌పై విజయం సాధించింది. బ్యాటర్లు నిర్దేశించిన 224 పరుగుల లక్ష్యాన్ని కాపాడుకోవడంలో భారత బౌలర్లు రాణించి విజయాన్ని అందించారు.
వెస్టిండీస్‌తో జరిగిన మూడో టీ20 మ్యాచ్‌లో టీమిండియా పూర్తి ఆధిపత్యం చూపిస్తూ 14 పరుగుల తేడాతో మంచి విజయం అందుకుంది. మొదట బ్యాటింగ్ చేసిన భారత జట్టులో అభిషేక్ శర్మ 69 రన్స్, ఇషాన్ కిషన్ 37 రన్స్‌తో దంచికొట్టడంతో నిర్ణీత 20 ఓవర్లలో 223 పరుగులు చేసి ఆలౌట్ అయింది. అనంతరం 224 పరుగుల భారీ టార్గెట్‌తో బరిలోకి దిగిన విండీస్ బ్యాటర్లను భారత బౌలర్లు కట్టడి చేశారు. ప్రత్యర్థి జట్టు 20 ఓవర్లు ఆడి 7 వికెట్లు కోల్పోయి 209 పరుగులకే పరిమితమైంది. అర్ష్‌దీప్ సింగ్ 3 వికెట్లు, నమన్ ధీర్ 2 వికెట్లు తీసి మ్యాచ్‌ను భారత్ వైపు తిప్పారు. బ్యాటింగ్, బౌలింగ్ రెండింట్లోనూ రాణించిన టీమిండియా మ్యాచ్‌ను సులువుగా సొంతం చేసుకుంది. దీంతో ఐదు మ్యాచుల సిరీస్‌లో 2-1 తో ఇండియా లీడ్‌లో కొనసాగుతోంది.
లక్ష్య ఛేదనలో వెస్టిండీస్ బ్యాటర్లు షిమ్రాన్ హెట్మెయర్ (43), కమిల్ పూరన్ (42) వేగంగా ఆడుతూ భారత శిబిరంలో గుబులు రేపారు. ఆఖర్లో షమర్ స్ప్రింగర్ కేవలం 11 బంతుల్లోనే 35 పరుగులు చేసి తీవ్ర ఒత్తిడి పెంచినా జట్టును గెలిపించలేకపోయారు. భారత బౌలర్లలో అర్ష్‌దీప్ సింగ్ 4 ఓవర్లలో 44 పరుగులిచ్చి కీలకమైన 3 వికెట్లు పడగొట్టి ప్రత్యర్థి నడ్డి విరిచారు. నమన్ ధీర్ 2 వికెట్లు, నితీష్ కుమార్ రెడ్డి ఒక వికెట్ తీసి కీలక సమయాల్లో విండీస్ జోరుకు బ్రేకులు వేశారు. ఉత్కంఠగా సాగిన ఈ పోరులో భారత జట్టు పట్టువీడకుండా పోరాడి విజయాన్ని సొంతం చేసుకుంది.
