Last Updated:
సానో వేదికగా జపాన్తో జరిగిన చారిత్రక ఏకైక టీ20 మ్యాచ్లో భారత జట్టు అతికష్టం మీద విజయం సాధించింది. వర్షం కారణంగా 5 ఓవర్లకు కుదించిన ఈ ఉత్కంఠ పోరులో జపాన్పై 2 పరుగుల తేడాతో భారత్ గెలుపొందింది.
జపాన్లోని సానో ఇంటర్నేషనల్ క్రికెట్ గ్రౌండ్లో జరిగిన ఈ చారిత్రక మ్యాచ్ వర్షం వల్ల మ్యాచ్ను 5 ఓవర్లకు కుదించారు. టాస్ గెలిచి మొదట బ్యాటింగ్కు దిగిన టీమిండియా నిర్ణీత 5 ఓవర్లలో 4 వికెట్ల నష్టానికి కేవలం 32 పరుగులు మాత్రమే చేసింది. కెప్టెన్ శ్రేయస్ అయ్యర్ 16 పరుగులతో టాప్ స్కోరర్గా నిలవగా, మిగతా బ్యాటర్లు విఫలమయ్యారు. అనంతరం 33 పరుగుల లక్ష్య ఛేదనలో జపాన్ గట్టి పోటీ ఇచ్చింది. తొలి ఓవర్లోనే ఓపెనర్ లచ్లన్ లేక్ను ఇషాన్ కిషన్ అద్భుతమైన రనౌట్ చేశాడు. ఆ తర్వాత వాషింగ్టన్ సుందర్ 13 పరుగులిచ్చి 2 వికెట్లు తీశాడు.
చివరి ఓవర్లో జపాన్ విజయానికి 8 పరుగులు అవసరం కాగా, బౌలింగ్కు దిగిన అక్షర్ పటేల్ అద్భుతంగా బౌలింగ్ చేసి జపాన్ బ్యాటర్లను కట్టడి చేశాడు. దీంతో జపాన్ 5 ఓవర్లలో 30/3 స్కోరుకే పరిమితమైంది. ఉత్కంఠ భరితంగా సాగిన ఈ మ్యాచ్లో టీమిండియా 2 పరుగుల తేడాతో చారిత్రక విజయాన్ని నమోదు చేసింది.
