‘#లవ్’ కథ రెండు డేటింగ్ యాప్‌ల చుట్టూ తిరుగుతున్నట్లు ట్రైలర్ చూస్తే తెలుస్తుంది. జీవిత భాగస్వామిని వెతుక్కునేందుకు ఉపయోగపడే రెండు యాప్‌లను నిర్వహించే సంస్థల యజమానుల చుట్టూ కథ సాగుతుంది. ఈ రెండు సంస్థలకు చెందిన వ్యక్తులు ఒక సందర్భంలో కలుసుకోవడంతో వారి జీవితాల్లో చోటుచేసుకునే పరిణామాలే సిరీస్‌లో ప్రధానంగా చూపించినట్లు అర్థమవుతోంది.

ఈ సిరీస్‌లో అర్జున్ దాస్, ఐశ్వర్య లక్ష్మి ప్రధాన పాత్రల్లో కనిపించనున్నారు. వీరిద్దరి మధ్య ఉండే సంబంధం కథకు కీలకంగా ఉండనున్నట్లు తెలుస్తోంది. ట్రైలర్‌లో ప్రేమకు సంబంధించిన సన్నివేశాలతో పాటు రిలేషన్‌షిప్స్‌లో ఎదురయ్యే భావోద్వేగ సంఘర్షణలను కూడా చూపించారు. కేవలం ప్రేమకథగా కాకుండా.. ప్రస్తుతం సమాజంలో మారుతున్న సంబంధాలు, ప్రేమపై యువత ఆలోచనా విధానం, డేటింగ్ కల్చర్, భాగస్వామిని ఎంచుకునే విధానం వంటి అంశాలను కూడా కథలో టచ్ చేసినట్లు తెలుస్తోంది. దీంతో ఈ వెబ్‌సిరీస్‌లో రొమాన్స్‌తో పాటు ఎమోషనల్ కంటెంట్‌కు కూడా ప్రాధాన్యత ఉన్నట్లు అర్థమవుతోంది.