టాస్ వద్ద అదృష్టం రాజస్థాన్ రాయల్స్ వైపు నిలిచింది. టాస్ గెలిచిన స్టాండ్ ఇన్ కెప్టెన్ యశస్వి జైస్వాల్ ఎలాంటి సందేహం లేకుండా ముందుగా ఫీల్డింగ్ ఎంచుకున్నాడు. రెగ్యులర్ కెప్టెన్ రియాన్ పరాగ్ దూరం కావడంతో ఈ కీలక మ్యాచ్‌లో జట్టును నడిపించే బాధ్యత జైస్వాల్ భుజాలపై పడింది. యువ కెప్టెన్‌గా అతడికి ఇది పెద్ద పరీక్షగా మారింది.

ఈ మ్యాచ్‌కు రెండు జట్లు కూడా భారీ మార్పులతో బరిలోకి దిగాయి. రాజస్థాన్, లక్నో చెరో మూడు మార్పులు చేసి తమ ప్లేయింగ్ ఎలెవన్‌ను మరింత బలపరిచాయి. ప్లేఆఫ్స్ ఆశలను సజీవంగా ఉంచుకోవాలంటే గెలుపే లక్ష్యంగా ఇరు జట్లు రంగంలోకి దిగాయి.

ప్రస్తుతం ప్లేఆఫ్స్ రేసు అత్యంత ఆసక్తికరంగా మారింది. రాజస్థాన్ రాయల్స్‌తో పాటు పంజాబ్, చెన్నై సూపర్ కింగ్స్, ఢిల్లీ క్యాపిటల్స్, కోల్‌కతా నైట్ రైడర్స్ ఇంకా రేసులో ఉన్నాయి. అయితే ఈ జట్లన్నింటిలో రాజస్థాన్ పరిస్థితి కొంత మెరుగ్గానే కనిపిస్తోంది. తమ మిగిలిన రెండు మ్యాచ్‌ల్లో విజయం సాధిస్తే ఎలాంటి నెట్ రన్‌రేట్ లెక్కలు లేకుండానే నేరుగా 16 పాయింట్లతో టాప్-4లోకి ఎంట్రీ ఇవ్వగలదు.