ప్రజల కోసం కొత్త పార్టీ రావాల్సిన అవసరం రాష్ట్రంలో ఉందని కవిత చెప్పారు. కొత్త పార్టీ ఉండాలని బలంగా కోరుకుంటున్నామని అందుకే ఈ కొత్త పార్టీ పేదల కోసం పని చేసే పార్టీ అయి ఉండాలని కవిత అన్నారు. ఈ కొత్త పార్టీలో కొత్త తరం నాయకత్వానికి, మహిళా సాధికారతకు పార్టీలో పెద్ద పీట వేస్తామని కవిత తెలిపారు. బీఆర్‌ఎస్ క్యాడర్ మొత్తం మాతో ఉందన్నారు. రాష్ట్రంలో ఇప్పటి వరకు ప్రాంతీయ పార్టీ అనేది లేదని.. తమ పార్టే మొదటి ప్రాంతీయ పార్టీ అని చెప్పుకొచ్చారు. మునీరాబాద్‌లో ఏర్పాటు చేస్తున్న ఆవిర్భావసభలో పార్టీ అజెండా మొత్తం ఉంచుతామని ఆమె వెల్లడించారు. ఆరోజే పార్టీకి సంబంధించిన అన్ని విషయాలు చెబుతామన్నారు. అయితే ఇప్పుడు ఆమె చేసిన ప్రకటన తెలంగాణ రాజకీయాల్లో పెను సంచలనమే సృష్టించనుందని రాజకీయవేత్తలు అంచనా వేస్తున్నారు. మరి ఆ పార్టీ పేరులోనూ, జెండాలోనూ తెలంగాణ సెంటిమెంట్, సంస్కృతి మూలాలు ఉంటాయని అంతా భావిస్తున్నారు.