కోల్ కతా వేదికగా లక్నోతో జరుగుతున్న మ్యాచ్‌లో ఆతిథ్య జట్టు చెత్త బ్యాటింగ్ పెర్ఫామెన్స్ కనబర్చింది. మొహిసిన్ ఖాన్ బౌలింగ్ దెబ్బకు KKR బ్యాటర్లు విలవిలలాడిపోయారు. చివర్లో రింకూ సింగ్ 83 (7 ఫోర్లు, 5 సిక్సులు) మెరుపు ఇన్నింగ్స్ ఆడటంతో నిర్ణీత 20 ఓవర్లలో 7 వికెట్లు కోల్పోయి 155 పరుగులు చేశారు. అజింక్య రహానే (10), టిమ్ సీఫర్ట్ (0), రఘువంశీ (9), రొవ్‌మెన్ పవెల్ (1).. ఇలా టాప్ ఆర్డర్ మొత్తం కుప్పకూలిపోయింది. కెమెరాన్ గ్రీన్ (34) పర్వాలేదనిపించాడు. రింకూ సింగ్ చెలరేగడంతో కేకేఆర్ ఆ మాత్రం స్కోర్ అయినా చేయగలిగింది. ముఖ్యంగా మొహిసిన్ ఖాన్ టాప్ ఆర్డర్ బ్యాటర్లనంతా పెవీలియన్‌కు పంపాడు. 4 ఓవర్లు వేసి కేవలం 21 పరగులు ఇచ్చి 5 కీలక వికెట్లను పడగొట్టాడు. జార్జ్ లిండే ఒక వికెట్ తీసుకున్నాడు. మరి ఈ లో స్కోర్‌ను లక్నో ఛేజింగ్ చేస్తుందా లేదా అని వేచిచూడాలి.