ముఖ్యంగా మహిళా ప్రేక్షకుల నుంచి ఈ సినిమాకు విపరీతమైన రెస్పాన్స్ వస్తోంది. ట్రేడ్ వర్గాల లెక్కల ప్రకారం.. ఈ చిత్రం ప్రపంచవ్యాప్తంగా ఏకంగా రూ. 80 కోట్లకు పైగా గ్రాస్ వసూళ్లు సాధించి సమంత బాక్సాఫీస్ స్టామినాను మరోసారి నిరూపించింది. కేవలం ఒక లేడీ ఓరియెంటెడ్ సినిమా ఈ స్థాయిలో కలెక్షన్స్ రాబట్టడం విశేషం. ఈ చిత్రంలో ఫ్యామిలీ ఎమోషన్స్‌తో పాటు సమంత చేసిన యాక్షన్ సీక్వెన్స్‌లు అభిమానులను ఎంతగానో ఆకట్టుకున్నాయి. ఒక పక్క సెంటిమెంట్ పండిస్తూనే, యాక్షన్ సన్నివేశాల్లో సామ్ చూపించిన తెగువకు థియేటర్లలో విజిల్స్ పడుతున్నాయి.

ప్రస్తుతం ఈ సినిమా పలు థియేటర్లలో విజయవంతంగా ప్రదర్శితమవుతోంది. ఈ క్రమంలో సినిమా సక్సెస్‌ను ఎంజాయ్ చేస్తున్న మేకర్స్.. ప్రేక్షకులకు మరింత వినోదాన్ని పంచేందుకు ఓ వీడియోను రిలీజ్ చేశారు. మూవీకి సంబంధించిన ‘డిలీటెడ్ సీన్స్’ (Deleted Scenes) తో పాటు సెట్‌లో జరిగిన కొన్ని ఫన్నీ సంఘటనలను సోషల్ మీడియా వేదికగా పంచుకున్నారు. థియేటర్లలో ఇప్పటికే నవ్వులు పూయించిన సినిమాలోని కామెడీ సీన్స్.. ఈ డిలీటెడ్ వీడియోలో మరింతగా ఆకట్టుకుంటున్నాయి.

షూటింగ్ సెట్‌లో సమంత, సహ నటీనటులు చేసిన అల్లరి, డైలాగ్స్ మర్చిపోయినప్పుడు ఇచ్చిన ఫన్నీ ఎక్స్‌ప్రెషన్స్ అభిమానులకు తెగ నవ్వులు తెప్పిస్తున్నాయి. ఈ బిహైండ్ ద సీన్స్ వీడియోలో సామ్ చాలా ఉల్లాసంగా, సరదాగా కనిపించి ఫ్యాన్స్‌ను అలరిస్తోంది. సోషల్ మీడియాలో ప్రస్తుతం ఈ వీడియో వైరల్‌గా మారింది. యాక్షన్‌తో పాటు వినోదాన్ని పంచిన ఈ వీడియోను చూసి నెటిజన్లు పాజిటివ్‌గా కామెంట్స్ చేస్తున్నారు. సమంత అద్భుతమైన యాక్టింగ్, నందిని రెడ్డి టేకింగ్ ఈ సినిమాకు ప్రాణం పోశాయని సినీ విశ్లేషకులు ప్రశంసిస్తున్నారు. మరెందుకు ఆలస్యం.. సోషల్ మీడియాలో ట్రెండ్ అవుతున్న ఆ ఫన్నీ డిలీటెడ్ సీన్స్ వీడియోను మీరూ చూసేయండి.