చిన్నపిల్లలను ఆకర్షించడం కోసం కొన్ని కంపెనీలు చిప్స్ ప్యాకెట్ల లోపల చిన్న చిన్న ప్లాస్టిక్ బొమ్మలు, రంగుల బంతులను ఉచిత బహుమతులుగా పెడుతుంటాయి. ఈ చిప్స్ ప్యాకెట్‌లో కూడా ఉసిరికాయ పరిమాణంలో ఉన్న ఒక వర్ణరంజిత ప్లాస్టిక్ బంతి (Plastic Ball) వచ్చింది.

బాలుడు గొంతు పట్టుకుని ఊపిరి ఆడక సతమతమవ్వడం గమనించిన తల్లిదండ్రులు, బంధువులు వెంటనే తేరుకుని గొంతులోని బంతిని తీసేందుకు ప్రయత్నించారు. అయితే అది లోపలికి జారిపోవడంతో ఏమీ చేయలేకపోయారు. వెంటనే బాలుడిని చికిత్స నిమిత్తం హుణసూరులోని ఒక ప్రైవేటు ఆసుపత్రికి వాహనంలో తరలించేందుకు పరుగులు తీశారు.

ఇంటికి ఉన్న ఏకైక వారసుడు ఇలా ప్లాస్టిక్ బంతి గొంతులో ఇరుక్కుని ప్రాణాలు కోల్పోవడంతో గౌరీపుర గ్రామంలో తీవ్ర విషాద ఛాయలు అలుముకున్నాయి. ఈ చిన్నపిల్లల తినుబండారాల ప్యాకెట్లలో ప్లాస్టిక్ బొమ్మలు, చిన్న బంతులు పెట్టే కంపెనీల నిర్వాహకంపై స్థానికులు తీవ్ర ఆగ్రహం వ్యక్తం చేస్తున్నారు. ఊపిరితిత్తులు, గొంతు చిన్నవిగా ఉండే పసిపిల్లలకు ఇటువంటి చిన్న చిన్న ప్లాస్టిక్ వస్తువులు ఎంతో ప్రమాదకరమని, చిన్నపిల్లలకు తినుబండారాలు కొనిచ్చేటప్పుడు తల్లిదండ్రులు, బంధువులు అత్యంత జాగ్రత్తగా ఉండాలని వైద్యులు హెచ్చరిస్తున్నారు.