జో శర్మ, సమ్బీత్ ఆచార్య ప్రధాన పాత్రల్లో నటించిన ఈ చిత్రం ఐఎండీబీలో 9.1/10, బుక్ మై షోలో 9.6/10 వంటి అద్భుతమైన రేటింగ్స్‌ను సాధించింది. భారత్‌తో పాటు అమెరికాలోని ప్రేక్షకులు కూడా ఈ చిత్ర విజయాన్ని ఘనంగా జరుపుకుంటూ, ఇటీవలి కాలంలో వచ్చిన అత్యుత్తమ సస్పెన్స్ థ్రిల్లర్లలో ఒకటిగా అభివర్ణించారు. థియేటర్లలో విజయవంతమైన ప్రదర్శన అనంతరం ఇప్పుడు “ఎం4ఎం (మోటివ్ ఫర్ మర్డర్)” డిజిటల్ ప్రీమియర్‌కు సిద్ధమవుతోంది. ఈ చిత్రం జూన్ 19 నుంచి లయన్స్‌గేట్ ప్లే, అమెజాన్ ప్రైమ్ వీడియో, ఎయిర్‌టెల్ ఎక్స్‌స్ట్రీమ్, జియోటీవీ, టాటా ప్లే బింజ్ తదితర ఓటీటీ వేదికల్లో స్ట్రీమింగ్ కానుంది.

మోహన్ వడ్లపట్ల రూపొందించిన ఈ చిత్రం సస్పెన్స్, మిస్టరీ, డ్రామా, వినోదాన్ని సమర్థవంతంగా మిళితం చేస్తూ ఆద్యంతం ప్రేక్షకులను ఉత్కంఠకు గురిచేసే అనుభూతిని అందిస్తుంది. ముఖ్యంగా ఓటీటీ ప్రేక్షకుల అభిరుచికి అనుగుణంగా రూపొందిన ఈ చిత్రం, తెలివైన థ్రిల్లర్లు, మర్డర్ మిస్టరీలను ఇష్టపడే ప్రేక్షకులను విశేషంగా ఆకట్టుకుంటుందని చిత్రబృందం భావిస్తోంది.

కథ:

హైదరాబాద్ నగరాన్ని ఒక భయంకరమైన సీరియల్ కిల్లర్ గజగజలాడిస్తుంటాడు. ఈ హంతకుడు తను చేసే ప్రతి హత్యను ప్రసిద్ధ చిత్రలేఖనాల (Paintings) రూపంలో అలంకరించడం ఈ కథలోని అత్యంత ఆసక్తికరమైన, భయంకరమైన అంశం. ఈ వరుస హత్యల నేపథ్యంలో ఏసీపీ కృష్ణ (సంబీత్ ఆచార్య) ఒక‌వైపు, మ‌రోవైపు ఇన్వెస్టిగేటివ్ జర్నలిస్ట్ రాధ (జో శర్మ) తమ సొంత దర్యాప్తును ప్రారంభిస్తారు. కిల్లర్ పోలీసులను తన వాయిస్ మెసేజ్‌లతో సవాల్ చేస్తుంటే, కృష్ణ, రాధ ఈ హత్యల వెనుక ఉన్న అసలు కారణాన్ని (Motive) ఎలా కనుగొన్నారనేదే ఈ సినిమా ప్రధాన కథాంశం.