పైరసీ భూతం పెద్ది సినిమాను కూడా పట్టేసింది. థియేటర్లలో విడుదలైన రెండో రోజే ఈ చిత్రం పలు పైరసీ సైట్లలో ప్రత్యక్షం అయింది. ఆన్‌లైన్‌లో హైక్వాలిటీ ప్రింట్లు కనిపిస్తున్నాయి. దీంతో ఇది చూసి మెగా అభిమానులు ఆందోళన చెందుతున్నారు. పెద్ది పైరసీ లింకులను వెంటనే తొలగించి, ఈ చర్యలకు పాల్పడిన వారిపై కఠిన చర్యలు తీసుకోవాలని చిత్రబృందాన్ని, పోలీసులను కోరుతున్నారు.

ఈ సినిమాపై జనాల్లో పాజిటివ్ బజ్ అయితే ఉంది. రామ్ చరణ్ తన రెగ్యులర్ కమర్షియల్ ఇమేజ్‌కు భిన్నంగా, సరికొత్త మేకోవర్, అత్యంత భావోద్వేగభరితమైన పాత్రలో నటించిన తీరు అద్భుతంగా ఉందంటూ సినీ విమర్శకులు ప్రశంసిస్తున్నారు. ఈ చిత్రంలో చరణ్ పర్ఫార్మెన్స్‌కు జాతీయ అవార్డు రావడం ఖాయమనే టాక్ ఇండస్ట్రీ వర్గాల్లో గట్టిగా వినిపిస్తోంది. తెలుగు రాష్ట్రాలతో పాటు గ్లోబల్ వైడ్‌గా ‘పెద్ది’ అడ్వాన్స్ బుకింగ్స్ ఊహించని స్థాయిలో జరిగాయి. కేవలం ప్రీ-సేల్స్ ద్వారానే ఈ చిత్రం ఏకంగా రూ. 21.5 కోట్లకు పైగా వసూళ్లను సాధించి శుభారంభం పలికింది పెద్ది. ఆపై తొలి రోజే 150 కోట్లకు పైగా వసూళ్లు రాబట్టింది.

ఈ సినిమాలో రామ్ చరణ్ సరసన జాన్వీ కపూర్ హీరోయిన్ గా నటించగా.. సంగీత దిగ్గజం రెహ్మాన్ సంగీతం అందించారు. కాకపోతే ఇది వన్ మ్యాన్ షో అని రివ్యూ రావడం, క్రెడిట్ అంతా కూడా రామ్ చరణ్ కే దక్కడం చూసే ఉన్నాం. ఇంతలోనే మరో బాంబులా పైరసీ ప్రింట్ బయటకొచ్చింది.