విడుదలకు ముందే ఈ సినిమా నుంచి వచ్చిన టీజర్, ట్రైలర్, పాటలు ప్రేక్షకుల్లో అంచనాలు పెంచడంతో ఈ సినిమా ప్రీమియర్లకు అద్భుతమైన రెస్పాన్స్ వచ్చింది. దీంతో బాక్సాఫీస్ వద్ద క్రేజీ కలెక్షన్స్ నమోదయ్యాయి. ట్రేడ్ పోర్టల్స్ లెక్కల ప్రకారం.. జూన్ 3వ తేదీ వేసిన ప్రీమియర్ షోస్ కలెక్షన్స్ రూ. 20.12 కోట్లు అని తెలుస్తోంది. ఏపీలో ఈ సినిమా టికెట్ రేట్స్ హైక్ విషయంలో ప్రభుత్వం నుంచి జీవో ముందుగా రావడంతో అడ్వాన్స్ బుకింగ్స్ ఎర్లీగా స్టార్ట్ అయ్యాయి. దీంతో రికార్డు స్థాయిలో కలెక్షన్స్ వచ్చాయి. ఆంధ్రప్రదేశ్ రాష్ట్రం నుంచి ప్రీమియర్స్ ద్వారా 10.33 కోట్ల రూపాయల గ్రాస్ వచ్చినట్లు సమాచారం.

అయితే ప్రీమియర్స్ వేసే కొన్ని గంటల ముందు తెలంగాణలో అడ్వాన్స్ బుకింగ్స్ స్టార్ట్ కావడం వల్ల ఇక్కడ చెప్పుకోదగ్గ కలెక్షన్స్ రాలేదు. నైజాం నుంచి ప్రీమియర్స్ ద్వారా 6.46 కోట్లు రాగా.. కర్ణాటక నుంచి 3 కోట్లు వచ్చాయి. టోటల్ గా చూస్తే ఆల్ ఇండియా ప్రీమియర్స్ గ్రాస్ కలెక్షన్స్ 20.12 కోట్లు.

మరోవైపు ఓవర్సీస్ మార్కెట్‌లో ‘పెద్ది’ చిత్రానికి సంబంధించిన అడ్వాన్స్ బుకింగ్స్ ఊహించని స్థాయిలో జరిగాయి. టికెట్లు హాట్ కేకుల్లా అమ్ముడవుతుండటంతో, ఈ చిత్రం రిలీజ్‌కు ముందే నార్త్ అమెరికాలో వన్ మిలియన్ డాలర్ల (1 Million) గ్రాస్ మార్క్‌ను దాటేసి సరికొత్త రికార్డు సృష్టించింది. రాజమౌళి విజువల్ వండర్ ‘ఆర్‌ఆర్‌ఆర్‌’ తర్వాత, కేవలం ప్రీమియర్ షోల బుకింగ్స్ ద్వారానే రామ్ చరణ్‌కు ఈ స్థాయి వన్ మిలియన్ మార్క్ అందుకోవడం ఇదే తొలిసారి కావడం విశేషం. చరణ్ గ్లోబల్ క్రేజ్‌కు ఈ వసూళ్లే నిదర్శనమని ట్రేడ్ విశ్లేషకులు చెబుతున్నారు.