తాజాగా ఈ మెగా ప్రాజెక్టుకు సంబంధించి ఒక క్రేజీ అప్‌డేట్ ఫిల్మ్ నగర్ లో చక్కర్లు కొడుతోంది. ఈ సినిమాలో సౌత్ లేడీ సూపర్ స్టార్ నయనతార అత్యంత కీలకమైన పాత్రలో నటించనున్నారని విశ్వసనీయ సమాచారం. సాధారణంగా సుకుమార్ సినిమాల్లో హీరో, హీరోయిన్ల పాత్రలే కాకుండా సహాయక పాత్రలు సైతం కథను మలుపు తిప్పేంత పవర్ ఫుల్ గా, విభిన్నంగా ఉంటాయి. ఈ నేపథ్యంలోనే RC17లో నయనతార కోసం సుకుమార్ ఒక అద్భుతమైన, బలమైన క్యారెక్టర్ ను డిజైన్ చేసినట్లు తెలుస్తోంది. ఇందులో ఆమె కథకు వెన్నెముక లాంటి పాత్రలో కనిపించి ప్రేక్షకులను థ్రిల్ చేయనుందని ఇండస్ట్రీ టాక్.

అన్ని పనులు పూర్తి చేసి ఈ భారీ చిత్రాన్ని అక్టోబర్ నెలలో లాంఛనంగా పూజా కార్యక్రమాలతో ప్రారంభించేందుకు మేకర్స్ సన్నాహాలు చేస్తున్నారు. రంగస్థలంలో ‘చిట్టిబాబు’ లాంటి ఐకానిక్ క్యారెక్టర్ తర్వాత చరణ్ ను సుకుమార్ ఏ విధంగా ప్రెజెంట్ చేస్తారో అని ఫ్యాన్స్ ఉత్కంఠగా ఉన్నారు.

నయనతార విషయానికొస్తే.. ఇటీవల కాలంలో ఈ లేడీ సూపర్ స్టార్, క్యారెక్టర్‌‌కు ప్రాధాన్యత ఉన్న పాత్రలనే ఎంచుకుంటున్నారు. గతంలో మెగాస్టార్ చిరంజీవి హిట్ మూవీ ‘గాడ్ ఫాదర్’లో నటించిన ఆమె.. అలాగే ఈ ఏడాది సంక్రాంతికి విడుదలై సూపర్ హిట్ సాధించిన ‘మన శంకరవరప్రసాద్’ సినిమాలో కూడా తన నటనతో ఆకట్టుకున్నారు. ప్రస్తుతం బాలీవుడ్ స్టార్ హీరో సల్మాన్ ఖాన్ తో, టాలీవుడ్ డైరెక్టర్ వంశీ పైడిపల్లి తెరకెక్కిస్తున్న పాన్ ఇండియా యాక్షన్ చిత్రంలో నయనతార హీరోయిన్ గా నటిస్తూ బిజీగా ఉన్నారు. ఇప్పుడు సుకుమార్-చరణ్ కాంబోలో కూడా ఆమె భాగం కానుండటంతో ప్రాజెక్టుపై అంచనాలు మరింత రెట్టింపు అయ్యాయి.