మ్యాచ్ విషయానికి వస్తే.. తొలుత బ్యాటింగ్ చేసిన ఆర్సీబీ 19.2 ఓవర్లలో 155 పరుగులకు ఆలౌటైంది. దేవ్‌దత్ పడిక్కల్ (24 బంతుల్లో 40; 5 ఫోర్లు, 2 సిక్సర్లు) మినహా మిగిలిన వారు దారుణంగా విఫలం అయ్యారు. కోహ్లీ (28) ఫర్వాలేదనిపించాడు. గుజరాత్ టైటాన్స్ బౌలర్లలో అర్షద్ ఖాన్ 3 వికెట్లు.. రషీద్ ఖాన్, జేసన్ హోల్డర్లు చెరో 2 వికెట్లతో మెరిశారు. అనంతరం బ్యాటింగ్‌కు దిగిన గుజరాత్ టైటాన్స్ లక్ష్యాన్ని ఆడుతూ పాడుతూ చేజ్ చేసింది. కేవలం 15.5 ఓవర్లలోనే 6 వికెట్లు నష్టపోయి 158 పరుగులు చేసి లీగ్‌లో 5వ విజయాన్ని అందుకుంది.  గుజరాత్ టైటాన్స్ బ్యాటింగ్ విషయానికి వస్తే కెప్టెన్ శుబ్‌మన్ గిల్ (18 బంతుల్లో 43; 4 ఫోర్లు, 3 సిక్సర్లు) జట్టును ముందుండి నడిపించాడు. జాస్ బట్లర్ (39) రాణించాడు. చివర్లో తెవాటియా (27 నాటౌట్) మ్యాచ్‌ను ముగించాడు.

ఇక ముంబై ఇండియన్స్, కేకేఆర్, లక్నో సూపర్ జెయింట్స్ జట్లు ప్లే ఆఫ్స్ చేరాలంటే మిగిలి ఉన్న అన్ని మ్యాచ్‌ల్లోనూ నెగ్గాల్సి ఉంది. ఒక్క మ్యాచ్‌లో ఓడినా ప్లే ఆఫ్స్ అవకాశాలు దూరం అవుతాయి. ఇక ఢిల్లీ, చెన్నై సూపర్ కింగ్స్‌లది కూడా ఇంచుమించు ఇలాంటి పరిస్థితే ఉంది. ప్రస్తుతానికి అయితే పంజాబ్, ఆర్సీబీ, సన్ రైజర్స్, రాజస్తాన్, గుజరాత్ టైటాన్స్ జట్లకే ప్లే ఆఫ్స్ చేరే అవకాశాలు ఎక్కువగా ఉన్నాయి.