అనౌన్స్ చేయడమే కాదు.. ఓ స్పెషల్ వీడియోను రిలీజ్ చేసి టాలీవుడ్ మొత్తాన్ని షేక్ చేసింది. ఏంటి సామ్‌ ఈ రేంజ్‌లో మేకోవర్ అయింది అనిపించింది. సుదీర్ఘ విరామం తర్వాత సమంత తెలుగు వెండితెరపై కనిపిస్తున్న సినిమా కావడంతో అభిమానుల్లో భారీ అంచనాలు నెలకొన్నాయి. గత కొంతకాలంగా మహిళా ప్రధాన కథాంశాలతో ప్రయోగాలు చేస్తూ వస్తున్న సమంత, ఈసారి పూర్తి స్థాయి కమర్షియల్ ఎంటర్టైనర్‌తో ప్రేక్షకుల ముందుకు రానుండటం విశేషం.

ఈ సినిమాను ముందుగా మే 15న రిలీజ్ చేయాలని ప్లాన్ చేశారు. కానీ కొన్ని కారణాల వల్ల సినిమా పోస్ట్ పోన్ అయింది. ఇక ఇప్పుడు కొత్త రిలీజ్ డేట్‌ను మేకర్స్ ప్రకటించారు. ఈ సినిమాను జూన్ 19న విడుదల చేస్తున్నట్లు వెల్లడించారు. ఈ మేరకు ఓ స్పెషల్ పోస్టర్‌ను కూడా రిలీజ్ చేశారు. చేతిలో తుపాకీ పట్టుకుని ఇంటెన్సీవ్‌గా చూస్తున్నట్లు పోస్టర్ డిజైన్ చేశారు.

‘మా ఇంటి బంగారం’లో సమంత ఒక మధ్యతరగతి ఇల్లాలి పాత్రలో కనిపించనుంది. కుటుంబ బాధ్యతలను మోస్తూనే, అనుకోని పరిస్థితుల్లో యాక్షన్ అవతారంలోకి మారే మహిళగా ఆమె పాత్ర తీర్చిదిద్దినట్టు సమాచారం. సాధారణ గృహిణి నుంచి ధైర్యవంతురాలిగా మారే ప్రయాణం ఈ చిత్రానికి ప్రధాన హైలైట్‌గా ఉండబోతోందని టాక్. ముఖ్యంగా సమంత ఈ చిత్రంలో కొన్ని పవర్‌ఫుల్ యాక్షన్ సీక్వెన్స్‌లలో నటించడం అభిమానులను మరింత ఉత్సాహపరుస్తోంది.

ఈ సినిమాకు నందిని రెడ్డి దర్శకత్వం వహిస్తుంది. గతంలో ఆమె తెరకెక్కించిన ఓ బేబీ మంచి విజయాన్ని సాధించింది. మహిళా ప్రధాన కథలను వినోదాత్మకంగా, హృదయానికి హత్తుకునేలా తెరకెక్కించడంలో ఆమెకు ఉన్న నైపుణ్యం ఈ చిత్రంపై కూడా అంచనాలను పెంచుతోంది. కథను ప్రముఖ దర్శకుడు రాజ్ నిడిమోరు అందించగా, సంగీతాన్ని సంతోష్ నారాయణన్ సమకూరుస్తున్నారు. ఆయన బ్యాక్‌గ్రౌండ్ స్కోర్, పాటలు సినిమాకు మరింత బలం చేకూర్చనున్నాయి. ప్రహాస్ బొప్పుడి, వంసంత్ మరింగంటిలు కూడా ఈ సినిమాకు రైటర్లుగా చేశారు.