కేంద్రం ప్రతిపాదించిన నియోజకవర్గాల పునర్విభజన (Delimitation) బిల్లుపై తమిళనాడు ముఖ్యమంత్రి ఎం.కె. స్టాలిన్ తీవ్రస్థాయిలో విరుచుకుపడ్డారు. గురువారం నమక్కల్లో జరిగిన నిరసనలో ఆయన స్వయంగా డీలిమిటేషన్ బిల్లు ప్రతులను తగలబెట్టారు. “ఈ మంటలు కేవలం కాగితాలను కాల్చడం లేదు.. బీజేపీ అహంకారాన్ని అణచివేస్తాయి” అని ఆయన వ్యాఖ్యానించారు. జనాభా నియంత్రణ పాటించినందుకు దక్షిణాది రాష్ట్రాలను శిక్షిస్తూ, ఉత్తరాదికి సీట్లు పెంచడం ప్రజాస్వామ్య విరుద్ధమని మండిపడ్డారు. రాష్ట్రవ్యాప్తంగా డీఎంకే శ్రేణులు ఇళ్లపై నల్లజెండాలు ఎగురవేసి నిరసన తెలిపారు. 1960ల నాటి హిందీ వ్యతిరేక ఉద్యమం తరహాలోనే, ఇప్పుడు డీలిమిటేషన్ కు వ్యతిరేకంగా తమిళనాడు గళమెత్తుతుందని స్టాలిన్ స్పష్టం చేశారు.



Source link