TG SAFE: హైదరాబాద్లోని ప్రముఖ రెస్టారెంట్లలో తెలంగాణ స్టాండర్డ్స్ అథారిటీ ఫర్ ఫుడ్ అండ్ ఎసెన్షియల్ డ్రగ్స్ (TG SAFE) ఎన్ఫోర్స్మెంట్ విభాగం అధికారులు విస్తృతంగా తనిఖీలు నిర్వహించారు. హైదరాబాద్ కోర్ అర్బన్ రీజియన్ (క్యూర్) పరిధిలో ఫుడ్ సేఫ్టీ అధికారులు, పోలీసు సిబ్బందితో కూడిన ఆరు బృందాలు ఏకకాలంలో ఏడు ప్రముఖ రెస్టారెంట్లలో ఈ దాడులు చేపట్టాయి. చట్నీస్, పిస్తా హౌస్, హోరిస్, స్పైస్ ఎవెన్యూ వంటి నాలుగు ప్రముఖ హోటళ్లలో తీవ్రస్థాయి ఉల్లంఘనలను అధికారులు గుర్తించారు. గడువు ముగిసిన, నాసిరకం ఆహార వస్తువులను ఉపయోగించి పదార్థాలు తయారు చేస్తున్నట్లు తేలడంతో ఈ నాలుగు ప్రముఖ హోటళ్లకు టీజీ సేఫ్ అధికారులు నోటీసులు జారీ చేశారు.