బాలీవుడ్ స్టార్ బ్యూటీ, డ్యాన్సింగ్ సెన్సేషన్ నోరా ఫతేహి చుట్టూ ఇప్పుడు అనుకోని న్యాయపరమైన వివాదం ముసురుకుంది. సోషల్ మీడియాలో ఎప్పుడూ యాక్టివ్‌గా ఉంటూ తన అద్భుతమైన డ్యాన్స్ వీడియోలతో అభిమానులను అలరించే ఈ బ్యూటీ.. సరదాగా చేసిన ఒక కామెంట్ ఆమెను కోర్టు మెట్లు ఎక్కేలా చేసింది. ఒక ప్రైవేట్ చార్టర్డ్ విమాన సంస్థ ప్రతిష్టకు భంగం కలిగించేలా వ్యవహరించారనే ఆరోపణలతో గుజరాత్‌లోని గాంధీనగర్ సివిల్ కోర్టులో నోరా ఫతేహిపై ఏకంగా రూ. 3 కోట్ల పరువు నష్టం దావా (Defamation Suit) దాఖలైంది.