“నేను మీకు నిజం చెబుతాను. విరాట్ భయ్యా నా భుజంపై అలా చేయి వేసినప్పుడు.. నేను గతంలో ఆర్‌సీబీ అభిమానిని, ముఖ్యంగా విరాట్ కోహ్లీకి చాలా పెద్ద ఫ్యాన్‌ని. అలాంటిది ఆయన నా భుజంపై చేయి వేసి మాట్లాడుతుంటే, నిజంగా నాకు అదొక కలలా అనిపించింది. ఆయన నాతో మాట్లాడిన విధానం చూస్తే.. నిజంగానే విరాట్ కోహ్లీ నాతో మాట్లాడుతున్నారా అనిపించలేదు. ఒక పెద్ద అన్నయ్యలా ఆయన నాకు ఎన్నో విషయాలు అర్థమయ్యేలా చెప్పారు. నేను ఎక్కడ బాగా ఆడుతున్నానో, ఇంకా ఏ విషయాల్లో మెరుగుపడాలి, భవిష్యత్తులో దేనిపై ఎక్కువ దృష్టి పెట్టాలి అనే విషయాలను ఎంతో చక్కగా వివరించారు” అని చెప్పుకొచ్చాడు.

ఈ సీజన్ సమయంలో వైభవ్ తన క్యాప్‌ (టోపీ) పై విరాట్ కోహ్లీతో ఆటోగ్రాఫ్ కూడా పెట్టించుకున్నాడు. ఆ ఇంటర్వ్యూలో మాట్లాడుతూ.. ఒకవేళ తన వద్ద ఆరెంజ్ క్యాప్ లేని సమయాల్లో, విరాట్ సంతకం చేసిన ఆ టోపీనే పెట్టుకునేవాడినని వైభవ్ తెలిపాడు.