ఈ వినూత్న కార్యక్రమం ద్వారా దేశవ్యాప్తంగా ఏటా దాదాపు 20 లక్షల జంతువులకు వెటర్నరీ చికిత్స, రెస్క్యూ సేవలు, ఆశ్రయం, పౌష్టికాహారం మరియు దీర్ఘకాలిక సంరక్షణ లభిస్తుందని అంచనా వేస్తున్నారు. వీధుల్లో తిరిగే కుక్కలు, పిల్లులు, గాయపడిన పశువులు, గుర్రాలు, గాడిదలు వంటి పెద్ద జంతువులకు సేవలు అందించేలా ఇది రూపుదిద్దుకుంది. ఇందులో యానిమల్ బర్త్ కంట్రోల్ (ABC) ద్వారా వాటి జనాభా నియంత్రణ కూడా భాగం. భారత జంతు సంక్షేమ బోర్డు (AWBI)కి చెందిన 8 మంది సభ్యులు కూడా ఈ సదస్సులో పాల్గొన్నారు.

ఈ సందర్భంగా అనంత్ అంబానీ మాట్లాడుతూ భావోద్వేగానికి గురయ్యారు.. “పరిమిత వనరులున్నా, ఎలాంటి గుర్తింపు ఆశించకుండా అపారమైన కరుణతో మూగజీవాలకు నిస్వార్థ సేవలందిస్తున్న వేలాది మంది నిజమైన యోధులు మన దేశంలో ఉన్నారు. వారి సేవలు మనకు గుర్తుచేసేది ఒక్కటే—దయకు హద్దులు లేవు, ప్రతి ప్రాణానికి సంరక్షణ, రక్షణ మరియు గౌరవం పొందే హక్కు ఉంది. ‘ఛాంపియన్స్ ఆఫ్ కేర్’ ద్వారా మేము వారికి వెన్నుదన్నుగా నిలబడి, కమ్యూనిటీ జంతువులకు మెరుగైన సంరక్షణ అందించేలా, మరింత దయాగుణంగల భారతదేశాన్ని నిర్మించాలనుకుంటున్నాము. మా దృష్టిలో ‘ప్రతి ప్రాణం విలువైందే’ (Every Life Matters) అంటే ఇదే” అని ఆయన పేర్కొన్నారు.

వంతారలో రెండు రోజుల పాటు జరిగిన ఈ ప్రతినిధుల సదస్సులో మొదటి రోజు.. సహాయం పొందిన ఏనుగులు, పులులు, సింహాలు, చిరుతలు వంటి వన్యప్రాణులకు అక్కడ కల్పిస్తున్న అద్భుతమైన వైద్యం, వసతులను సంస్థల ప్రతినిధులు ప్రత్యక్షంగా వీక్షించారు. రెండో రోజు క్షేత్రస్థాయి సవాళ్లు, పరిష్కారాలపై విస్తృత చర్చలు జరిగాయి.

ఈ ప్రాజెక్ట్ కింద జంతు సంరక్షణ సంస్థలకు కేవలం తాత్కాలిక సాయమే కాకుండా శాశ్వత మౌలిక వసతులను సమకూర్చనున్నారు: