సాధారణంగా చిన్న పిల్లలకు ద్విచక్ర వాహనం ఎక్కడం, దానిపై ప్రయాణించడం ఎంతో థ్రిల్లింగ్‌గా అనిపిస్తుంది. ముఖ్యంగా యాక్సిలరేటర్‌ను తిప్పడం వారికి ఒక ఆట లాంటిది. కానీ, బండి ఇంజిన్ స్టార్ట్ చేసి ఉన్నప్పుడు ఆ చిన్నారులు ఏమీ తెలియక చేసే ఒక చిన్న పొరపాటు ఊహించని రీతిలో ఘోర ప్రమాదంగా మారుతుందని సజ్జనార్ వివరించారు. క్షణాల్లోనే అది వారి ప్రాణాలకే ముప్పుగా పరిణమిస్తుందని తీవ్ర ఆందోళన వ్యక్తం చేశారు. పిల్లల అమాయకత్వం, పెద్దల అజాగ్రత్త కలిస్తే ఎలాంటి విషాదాలు జరుగుతాయో ఈ వీడియో ద్వారా అర్థం చేసుకోవచ్చని ఆయన సూచించారు.

కళ్ల ముందే రెప్పపాటులో జరిగే ఇలాంటి ఘోరమైన ప్రమాదాలను నివారించాల్సిన పూర్తి బాధ్యత తల్లిదండ్రులదేనని సజ్జనార్ ఉద్ఘాటించారు. స్కూల్ వద్ద బండి ఆపిన వెంటనే ముందుగా ఇంజిన్ ఆఫ్ చేసి తాళం తీయాలని విజ్ఞప్తి చేశారు. పిల్లలను ఎట్టి పరిస్థితుల్లోనూ ఆన్‌లో ఉన్న వాహనాలపై ఒంటరిగా వదిలేయకూడదని సూచించారు. ఎంక తొందరలో ఉన్నప్పటికీ పిల్లల భద్రతకే తొలి ప్రాధాన్యం ఇవ్వాలని కోరారు. ఈ ఘటనను ప్రతి ఒక్కరూ ఓ గుణపాఠంగా తీసుకుని రాబోయే రోజుల్లో మరింత అప్రమత్తంగా వ్యవహరించాలని తల్లిదండ్రులకు హితవు పలికారు.