లేలాండ్ పికప్ లారీ అధిక లోడుతో యూ టర్న్ తీసుకుంటున్న సమయంలో బోల్తా పడింది. అంతే ఆ లారీలో తీసుకెళ్తున్న భారీ మెటల్ ప్రేమ్ బరువు ఎక్కువగా ఉండటం వల్ల వాహనం టర్న్ అయ్యేటప్పుడు ఒక పక్కకు ఒరిగిపోయింది. లారీ పైనున్న మెటల్ ఫ్రేమ్‌కు కట్టి ఉన్న లోహపు పైపులు వక్కనే రోడ్డుపై వెళ్తున్న ఒక తెల్లని స్కూటర్ రైడర్‌పై పడ్డాయి. భారీ బరువు ఉన్న వస్తువులు మీద పడటంతో స్కూటర్ రైడర్ మృతి చెందారు. ఈఘటనలో పోలీసులు లారీ డ్రైవర్‌ని అదుపులోకి తీసుకున్నారు. యజమానిపై , డ్రైవర్‌పై కేసు నమోదు చేశారు.

సామర్థ్యానికి మించి అధిక లోడుతో వెళ్తున్న పికప్‌లే ఇలాంటి ప్రమాదాలు తరచుగా జరగడానికి కారణమవుతున్నాయని నగర ట్రాఫిక్ పోలీసులు చెబుతున్నారు. అనధికారిక అదనపు నిర్మాణాలు , అధిక బరువులు డ్రైవర్లు, ప్రయాణికులు , ఇతర రహదారి వినియోగదారుల ప్రాణాలను ప్రమాదంలో పడేస్తాయని హెచ్చరిస్తున్నారు. పరిమితుల్లోనే ఉండండి.. ప్రాణాలను పణంగా పెట్టవద్దని .. సురక్షితంగా డ్రైవ్ చేయమని పోలీసులు ఈఘటనకు సంబంధించిన వీడియోని సోషల్ మీడియా వేదిక ట్విట్టర్(ఎక్స్)లో షేర్ చేసి విజ్ఞప్తి చేస్తున్నారు.