లొకేషన్ తప్పుగా చూపించడం వల్ల జరిగిన చిన్న జాప్యానికి డెలివరీ బాయ్‌ను నిలదీయడమే కాకుండా దౌర్జన్యానికి దిగారు. జొమాటో కంపెనీ తరఫున డెలివరీ బాయ్‌గా పనిచేస్తున్న ఆశి అనే యువకుడిపై ఆ దంపతులు దాడి చేశారు. చేతులతో విచక్షణారహితంగా కొడుతూ నానా దుర్భాషలాడారు. కష్టపడి బతికే ఒక పేద యువకుడిపై కన్నెర్రజేసి వారు చూపిన రాక్షసత్వం చూస్తున్న స్థానికులను తీవ్రంగా కలచివేసింది. ఆహారం మోసుకొచ్చిన వ్యక్తి పట్ల ఇలాంటి పాశవిక ప్రవర్తన ప్రదర్శించడం పట్ల సర్వత్రా విమర్శలు వ్యక్తమవుతున్నాయి.

ఈ దాడికి సంబంధించిన దృశ్యాలన్నీ అక్కడే ఉన్న సీసీటీవీ కెమెరాలలో స్పష్టంగా రికార్డయ్యాయి. బాధితుడు తనపై జరిగిన అక్రమ దాడి గురించి స్థానిక పోలీస్ స్టేషన్‌లో ఫిర్యాదు చేయడంతో ఈ విషయం వెలుగులోకి వచ్చింది. డెలివరీ బాయ్ ఇచ్చిన ఫిర్యాదు ఆధారంగా పోలీసులు వెంటనే రంగంలోకి దిగి సంబంధిత దంపతులపై కేసు నమోదు చేశారు. సీసీటీవీ ఫుటేజ్ ఆధారంగా నిందితుల గుర్తింపు ప్రక్రియ పూర్తి చేసి దర్యాప్తును మరింత వేగవంతం చేసినట్లు పోలీసులు వెల్లడించారు.