తాజాగా ఈ సినిమా నుంచి దేవి శ్రీ ప్రసాద్ ఫస్ట్ లుక్ పోస్టర్‌ను రిలీజ్ చేశారు. నేడు దేవి శ్రీ ప్రసాద్ పుట్టిన రోజు కావడంతో.. బర్త్‌డే విషెస్ చెప్తూ మేకర్స్ దేవీ ఫస్ట్ లుక్‌ను రివీల్ చేశారు. ఈ పోస్టర్‌లో దేవీ ఓ చేతిలో కిరీటం పట్టుకుని.. పీరియాడిక్ లుక్‌తో కనిపించాడు. ప్రస్తుతం ఈ ఫోటో సోషల్ మీడియాను షేక్ చేస్తుంది. ఈ మూవీలో దేవీ శ్రీ ప్రసాద్ పర్శి క్యారెక్టర్‌లో నటిస్తున్నాడు.

నిజానికి.. బలగం తర్వాత వెంటనే ఈ ప్రాజెక్ట్ స్టార్ట్ కావాల్సింది. కానీ.. పలు కారణాల వల్ల డిస్కషన్‌లోనే రెండేళ్లు ఆగిపోయింది. ముందుగా నితిన్‌ను ఈ సినిమాలో హీరోగా అనుకున్నారు. అన్ని రెడీ అయి రేపో, మాపో పట్టాలెక్కుతుంది అని ఈ ప్రాజెక్ట్ నుంచి నితిన్ తప్పుకున్నాడు. అప్పటికే వరుస ఫ్లాపులతో సతమతమవుతున్న నితిన్‌కు.. ఈ స్టోరీ ఇప్పుడు తనకు సెట్ కాదని తప్పుకున్నట్లు తెలుస్తుంది. ఆ తర్వాత నానితో కూడా మేకర్స్ సంప్రదింపులు జరిపారు. కానీ నాని కూడా పలు కారణాల వల్ల రిజెక్ట్ చేశాడట. చివరగా.. దేవీని లైన్‌లోకి తీసుకొచ్చారు. దిల్ రాజు సైతం.. దేవికి ఎప్పుడో నిన్ను హీరోగా ఇంట్రడ్యూస్ చేస్తా అని చెప్పాడట. అలా మొత్తానికి ఓ క్రేజీ సబ్జెక్ట్‌తో దేవీ హీరోగా ఎంట్రీ ఇవ్వబోతున్నాడు.