పార్లమెంట్‌ వర్షాకాల సమావేశాలు గురువారం ముగిశాయి. చివరి రోజు లోక్‌సభ ఉదయం 11 గంటలకు సమావేశమైనప్పటికీ కేవలం 3 నిమిషాల 10 సెకన్లలోనే నిరవధికంగా వాయిదా పడింది. సమావేశాలు ముగిసే సమయంలో ప్రధానమంత్రి నరేంద్ర మోదీ సభలోకి ప్రవేశించగా, జాతీయ గీతం వందే మాతరం ఆలపించారు. సభ్యులు నిలబడిన అనంతరం స్పీకర్‌ ఓం బిర్లా సభను నిరవధికంగా వాయిదా వేస్తున్నట్లు ప్రకటించారు. అయితే అంతకుముందు ప్రతిపక్ష సభ్యులు జూలై 20న విద్యార్థులపై జరిగిన పోలీసు చర్యపై కేంద్ర హోంమంత్రి అమిత్‌ షా సమాధానం చెప్పాలని నినాదాలు చేశారు. అధికార పక్ష సభ్యులు కూడా ప్రతినినాదాలు చేయడంతో చివరి రోజూ సభలో గందరగోళం కొనసాగింది.