టైటిల్‌కు తగ్గట్లుగానే ‘తిమ్మరాజు పల్లి TV’ అనే ఊరు చుట్టూ ఈ సినిమా తిరుగుతుంది. పండగ రోజు ఊరంతా కలిసి డబ్బులు పోగేసుకుని టీవీని రెంట్‌కు తెచ్చుకుని సినిమాలు చూస్తుంటారు ఆ పల్లె ప్రజలు. కాగా.. ఆ ఊరిలో రాజప్ప అనే వ్యక్తి ఫస్ట్ టీవీని తీసుకొస్తాడు. అదే ఊర్లో ఉండే ఓ పెద్ద మనిషికి తన కంటే ముందు టీవీ తీసుకువారడంతో తల తీసినంతపని అయితుంది. అయితే ఒక రోజు రాజప్ప ఇంట్లో టీవీని ఎవరో ఎత్తుకుపోతారు. ఆ నిందను సతీష్(హీరో)పై వేస్తారు. మరి నిజంగానే సతీష్ టీవీని దొంగలించాడా? లేదంటే ఈగోతో రగిలిపోతున్న ఊరి పెద్దమనిషి ఎత్తుకెళ్లాడా అనేది తెలియాంటే ఈ సినిమా చూడాలి.

విలేజ్ బ్యాక్‌డ్రాప్‌ కాన్సెప్ట్‌తో సాగే ఈ సినిమా రియలిస్టక్ టచ్‌తో దర్శకుడు తెరకెక్కించాడు. సినిమా మొత్తం ఒక మిక్స్‌డ్ ఫీలింగ్ ఇస్తుంది. ముఖ్యంగా ఫస్ట్ హాఫ్ పూర్తిగా బోరింగ్‌గా సాగుతుంది. కొన్ని సీన్లు మెప్పించినప్పటికీ.. ఫుల్ సాటిస్‌ఫై అయితే చేయదు. అయితే.. సెకండాఫ్‌లో వచ్చే మిస్టరీ ఎలిమెంట్స్ మాత్రం కొంతవరకు ప్రేక్షకులను ఆకట్టుకుంటాయి. మరీ ముఖ్యంగా టీవీని ఎవరు దొంగలించారు అనే క్యూరియాసిటీని బాగా బిల్డ్ చేశారు.

ఫస్ట్ హాఫ్ మొత్తం.. ఊర్లో వాళ్ల జీవితం, చిన్న చిన్న కామెడీ సన్నివేశాలు, గొడవలు, లవ్ ట్రాక్ వంటి అంశాలతో కథ నడుస్తుంది. కానీ వీటిలో ఏ పాయింట్‌లో కూడా కొత్తదనం లేకపోవడం వల్ల ఆసక్తి తగ్గుతుంది. స్లో నేరేషన్ కారణంగా చాలా సీన్లు లాగుతున్నట్టుగా అనిపిస్తాయి. అయితే సెకండ్ హాఫ్‌లో అసలు కథ స్టార్ట్ అవుతుంది. అక్కడి నుంచి సినిమాపై కొంత వరకు పర్వాలేదు అనిపిస్తుంది. మళ్ల మధ్యలో కొంత బోరింగ్ ఫీల్ కలిగించిన ప్రీ క్లైమాక్స్ నుంచి క్లైమాక్స్ వరకు ఓకే అనేలా అనిపిస్తుంది. మరీ ముఖ్యంగా క్లైమాక్స్‌లో అసలు టీవీ ఎవరు దొంగలించారో చూపించి అందరికి షాక్ ఇచ్చారు. చివర్లో వచ్చే ఫీల్‌గుడ్ ఎలిమెంట్ సినిమా మీద కొంత పాజిటివ్ ఇంప్రెషన్ మిగులుస్తుంది.