ఈ నేపథ్యంలో లెనిన్ ఓటీటీ రిలీజ్ కి సంబంధించిన కీలక సమాచారం బయటకొచ్చింది. ఈ రూరల్ మాస్ యాక్షన్ డ్రామాను సెప్టెంబర్ మొదటి వారంలో ఓటీటీలోకి తీసుకురానున్నట్లు తెలుస్తోంది. ప్రముఖ ఓటీటీ ZEE5లో ఈ సినిమా స్ట్రీమింగ్ కానుంది. థియేట్రికల్ రన్ పరిస్థితిని బట్టి మరో వారం ముందైనా స్ట్రీమింగ్ కి తీసుకురావాలని అనుకుంటున్నారట. సితార ఎంటర్టైన్మెంట్స్, అన్నపూర్ణ స్టూడియోస్ బ్యానర్స్‌పై నాగార్జున, నాగవంశీ సంయుక్తంగా నిర్మించిన ఈ సినిమాలో.. అఖిల్ జంటగా భాగ్యశ్రీ నటించగా.. శివాజీ, సునీల్, బ్రహ్మాజీ, ఈశ్వరి తదితరులు కీలకపాత్రలు పోషించారు. నిర్మించారు. తమన్ మ్యూజిక్ అందించారు.

లెనిన్ కథ ఏంటంటే.. రాయలసీమలోని రామాపురం అనే ప్రశాంతమైన గ్రామం. పగలు, ప్రతీకారాలు ఎరగని ఆ ఊరిలోకి పదేళ్ల అనాథ పిల్లాడు ‘లెనిన్’ అడుగుపెడతాడు. ఆ ఊరి పెద్దావిడ (ఈశ్వరీరావు) అతడిని అక్కున చేర్చుకుంటుంది. ఆమె కొడుకు వసంత్ (ప్రమోద్ పంజు)తో లెనిన్‌కు ప్రాణస్నేహం ఏర్పడుతుంది. అయితే, ఊహించని పరిణామాల మధ్య జైలుకు వెళ్లిన లెనిన్, కొన్నేళ్ల తర్వాత తిరిగి వచ్చాక తన ప్రాణ స్నేహితుడు వసంత్‌తో సహా ఊరిలోని వంద మందిని దారుణంగా నరికి చంపుతాడు. అసలు రక్తం రుచే తెలియని ఆ నేలపై లెనిన్ ఎందుకు రక్తపాతం సృష్టించాడు? స్నేహానికి ప్రాణమిచ్చే వాడు నమ్మకద్రోహానికి ఎలా బలయ్యాడు? అన్నదే ఈ సినిమా మెయిన్ స్టోరీ.