“బ్రహ్మచారి భర్తగా మారాలని నిర్ణయించుకున్న తరువాత జీవితం యుద్ధభూమిలా మారుతుంది” స్టార్ కమెడియన్ వెన్నెల కిషోర్ మార్క్ డైలాగ్‌తో ట్రైలర్ చాలా ఇంట్రెస్టింగ్‌గా స్టార్ట్ అవుతుంది. ఆ తర్వాత వచ్చే సీన్లు, భార్యల చేతిలో భర్తలు పడే తిప్పలు, నలిగిపోయే తీరు థియేటర్లలో నవ్వుల పూయించడం ఖాయమనిపిస్తోంది. “పెళ్లాం తిట్టినప్పుడు మన లోపల ఉన్న మగాడు పవర్ ఫుల్‌గా బయటకు వస్తాడు” లాంటి పంచ్ డైలాగ్స్ భర్తలకు బాగా కనెక్ట్ అయ్యేలా ఉన్నాయి. కేవలం కామెడీ మాత్రమే కాకుండా.. “ప్రేమ ఉన్న చోట నిజాయితీ ఉంటుంది.. నిజాయితీ లేని నీలాంటి వాడితో నేను ఉండలేను” అనే సంభాషణలతో కథలో మంచి ఎమోషనల్ టర్న్ కూడా ఉంటుందని ట్రైలర్ చూస్తే స్పష్టమవుతోంది. మొత్తానికి ఫ్యామిలీ, యూత్, మాస్ ఇలా అన్ని వర్గాల ఆడియన్స్‌ను మెప్పించే అంశాలతో ఈ ట్రైలర్‌ను కట్ చేశారు.

ప్రస్తుతం తెలుగు చిత్రసీమలో సమ్మర్ ముగింపు సీజన్ నడుస్తోంది. ఈ సమయంలో థియేటర్లకు వచ్చే ఫ్యామిలీ ఆడియన్స్‌ను టార్గెట్ చేస్తూ వస్తున్న ఈ సినిమాపై ట్రేడ్ వర్గాల్లో మంచి అంచనాలే ఉన్నాయి. గతంలో వచ్చిన ‘ఎఫ్ 2’, ‘గీత గోవిందం’ వంటి ఫ్యామిలీ అండ్ రొమాంటిక్ కామెడీలు ఏ స్థాయి విజయాన్ని అందుకున్నాయో మనకు తెలిసిందే. అదే తరహాలో భర్తల కష్టాలను వినోదాత్మకంగా చూపిస్తూ వస్తున్న ‘పురుష:’ సినిమాకు కూడా భారీ ఓపెనింగ్స్ వచ్చే అవకాశం ఉందని విశ్లేషకులు భావిస్తున్నారు. ఈ సినిమాలో సప్తగిరి, కసిరెడ్డి రాజ్‌కుమార్, వెన్నెల కిషోర్ వంటి క్రేజీ కామెడీ కాంబినేషన్ ఉండటం సినిమాకు అతిపెద్ద ప్లస్ పాయింట్‌గా మారనుంది. మే 22న థియేటర్లలో విడుదల కాబోతున్న ఈ చిత్రం బాక్సాఫీస్ వద్ద ఎలాంటి మ్యాజిక్ క్రియేట్ చేస్తుందో చూడాలి.