దీన్ని మనం ఒక ఎగ్జాంపుల్‌తో చూడవచ్చు. ట్రంప్.. ఇరాన్ యుద్ధాన్ని పూర్తిగా ముగిస్తున్నా అని ఒక పోస్ట్ చేస్తే.. అది ముందుగా.. ఈ సబ్‌స్క్రిప్షన్ సర్వీస్ పొందిన వారికి తెలుస్తుంది. వెంటనే వారు.. చమురు సంస్థల షేర్లను అమ్మేస్తారు. ఎందుకంటే.. యుద్ధం ముగిస్తే.. చమురు ధర పడిపోతుంది. తద్వారా ట్రేడర్లు ముందుగానే షేర్లు అమ్ముకొని బయటపడతారు. కానీ సబ్‌స్క్రిప్షన్ లేని వారు.. ఆ పనిని ముందే చెయ్యలేరు. దాంతో వారు నష్టపోతారు. అంటే.. ఇది ఇన్‌సైడర్ ట్రేడింగ్ లాంటిదే అనే విమర్శలు వస్తున్నాయి. షేర్లు మాత్రమే కాదు.. కరెన్సీలు, బాండ్లు. క్రిప్టోల వంటివి కూడా ముందే ట్రేడ్ చేసుకునే ఛాన్స్ ఉంటుంది. ఇవన్నీ సామాన్య ప్రజలను నష్టపోయేలా చెయ్యగలవు.

ఇదివరకు ట్రంప్ పోస్టులు పెట్టే ముందు అమెరికా స్టాక్ మార్కెట్‌లో కొన్ని షేర్ల విలువలు బాగా పెరిగేవి. ట్రంప్ పోస్ట్ పెట్టాక.. ఒక్కసారిగా ఆ షేర్ల విలువలు పతనం అయ్యేవి. ఇదంతా కుట్ర పూరితంగానే జరుగుతోందనే ఆరోపణలు ఉన్నాయి. ఇలాంటి చర్యల ద్వారా ట్రంప్ ఫ్యామిలీ, వాల్ స్ట్రీట్‌కి లాభం జరుగుతోందనే ఆరోపణలున్నాయి.

ట్రంప్ కంటే ముందు ఉన్న జోబిడెన్ ఏనాడూ ఇలాంటి వేగవంతమైన నిర్ణయాలు తీసుకోలేదు. అలాగే.. నిర్ణయాల్లో విరుద్ధమైన మార్పులు కూడా వెంటవెంటనే ఉండేవి కావు. కానీ ట్రంప్ అందుకు పూర్తి భిన్నంగా వ్యవహరిస్తుండటం అందర్నీ ఆశ్చర్యపరుస్తోంది. అమెరికా అధ్యక్షుడు అయివుండి.. ఇలా ఇష్టం వచ్చినట్లు ప్రకటనలు ఎందుకు చేస్తున్నారనే ప్రశ్నలొస్తున్నాయి. దీని వెనక పెద్ద ట్రేడింగ్ కుట్ర ఉందనే విశ్లేషణలున్నాయి.